動漫節人人賣正版？講笑吧！
今日我同幾位朋友一齊去會展，竟然發現有攤位賣老翻！
有無人投訴我唔知，但我知道知識產權署竟然懶理會，
呢個係政府部門應有的工作態度嗎？

如果大家心水清，o係會場E區有幾個國內組織擺檔，
其中E23檔口竟然以八十元十張的價錢，
公開售賣To Heart 2「予約特典」的Stick Poster的彩色影印本。
店鋪內還售賣Crescent Love、Kanon和多個著名電腦遊戲的海報。

其中一位同行的朋友很久以前以幾百元價錢購買了「特典」
當時佢話店內的Poster全部是彩色翻印。
起初我都唔信，因為呢個係動漫展，點都諗唔到會有人咁大膽公然賣老翻。

我叫那位朋友睇真少少，或者係「物有相似」罷了……
但佢斬釘截鐵回覆我：
「買左咁耐，仲要差唔多日日見，有乜可能會認錯！」

之後我地去左知識產權署個攤位投訴，
點知佢地的交波技術仲勁過碧咸（唔係貝克漢姆！），
仲一手就遞左本小冊子同投訴電話畀我地。

打電話都算啦，都叫做有個途徑，
但點知我返到屋企打電話果時先記得政府實行緊「五天工作週」！
個電話無人聽，之後仲彈左去錄音！
如果等到星期一先可以投訴，咁佢咪可以賣多幾日老翻？
呢種工作態度簡直笑大人把口，仲口聲聲話自己係國際大都會，完全係荒天下之大謬！

我的朋友已經拍低左E23攤位所售賣的貨品，等到今晚我會上載。

[ 本帖最後由 其中 於 2007-7-28 06:09 PM 編輯 ]

To Heart 2 XRATED 予約特典 Stick Poster原圖
(轉載自Yahoo! Japan Auction)

咁就即係賣「水貨」啦！
新的「水貨」條例岩岩修改左喎，政府部門係咪要郁手呢？

今日我去知識產權個攤位果時...好俾人點左相
(因為上星期我同小狼o係書展「挑戰」呢條法例)
所以今次佢地講都唔多講...三兩下手勢就灑走我

所以我好唔明放個攤位o係度做乜

原帖由 卓翹LOOOOS 於 2007-7-28 09:27 PM 發表
新的「水貨」條例????;tt09  

http://hk.news.yahoo.com/070711/60/2bace.html

雖然係遲左少少...但終於有相了